Следниот модел на „Alfa Romeo“ ќе се вика „Milano“, објави италијанската компанија. Тоа ќе биде мал теренец, чија премиера ќе се случи во април 2024-та. Ќе ја користи платформата на веќе претставените „Fiat 600“ и „Jeep Avenger“, а ќе биде достапен и со целосно електричен погон и како „благ“ хибрид.
Претходно протечените слики од „Milano“ покажуваат дека неговиот дизајн има јасен континуитет со поголемите „Tonale“ и „Stelvio“ и ја вклучува препознатливата маска на брендот во облик на „V. LED“ светлата напред имаат уникатен потпис, додека задниот дел има хоризонтални задни светла слични на „Tonale“. Тркалата ќе добијат и класичен дизајн за марката.
Токму „Milano“ ќе игра главна улога во стратегијата на „Alfa Romeo“, потпирајќи се на него за значително зголемување на продажбата на брендот. Сепак, Италијанците не сакаат да бидат дефинирани како производител на „SUV“ модели. Нивниот прв модел во овој сегмент беше сега заборавениот „Kamal“ од 2003-та година, но никогаш не доби зелено светло за производство.
Дури во 2016-та година во неговата гама се појави сопствен теренец на италијанскиот бренд – „Stelvio“. Пет години подоцна, беше објавен „Tonale“, на кој сега ќе му се придружи „Milano“. Сепак, сето ова не значи дека „Alfa Romeo“ ќе се обложува само на вакви модели.
Во интервју за „Autocar“, извршниот директор на „Alfa Romeo“, Жан-Филип Импарато, беше категоричен дека следната генерација на „Giulia“ ќе го задржи стилот на каросеријата на седан. Бидејќи ќе има електричен погон, конкурентот од тројката на „BMW“ ќе добие аеродинамички ориентирана форма.
Alfa Romeo Giulia
„Факт е дека сегментот на седаните страда, но сепак раководството на Stellantis не сака Alfa Romeo да стане производител на теренци, дури и ако целиот свет се префрли на теренци“, коментира Импарато.
Тој потврди дека покрај новата Giulia, неговата компанија работи на планови за оживување на моделите GTV и Duetto, но одби да открие детали.
