Пристигна најновиот член на „BMW – Серија 4“, а со сигурност можеме да кажеме дека новото „кабрио“ според изгледот ја надмина и „Серија 3“, кабриолетот кој беше заменет во понудата на компанијата.
Според информациите кои пристигнуваат од Минхен, новиот „BMW – Серија 4“ кабриолет ќе биде достапен во верзиите „435i“ (306KS), „428i“ (245KS) и „420d“ (184KS), во пар со шестостепен мануелен или осумстепен автоматски менувач.
Во однос на својот претходник, новата „Серија 4“ кабриолет е поширок и подолг од стандардниот, додека „428i“ ќе може да се набави и во верзија со погон на сите четири тркала.
Од „BMW“ тврдат дека новиот тврд покрив е подобрен, па бучавата во кабината е значително намалена, а изолацијата од елементот е подигната на ново ниво. Триделниот покрив се затвора за 20 секунди при брзина од 20km/h.
Цената на „BMW – Серија 4“ кабрио во Германија почнува од 46.300 евра, додека официјалната премиера ќе биде одржана на саемот за автомобили во Лос Анџелес.
