НЛБ Групацијата и нејзината компанија членка НЛБ Склади склучија купопродажен договор со компанијата Генерали Инвестментс за купување на мнозинскиот сопственички удел на компанијата Генерали Инвестментс АД Скопје. Завршувањето на трансакцијата се очекува во првата половина на следната година.
„Северна Македонија е еден од стратешки најважните пазари за НЛБ Групацијата. Групацијата може да се пофали со силно присуство овде. НЛБ Банка Скопје е трета по големина банка на Групацијата во однос на вкупната актива, а во исто време со пазарен удел од повеќе од 16% во однос на вкупната актива и пазарно учество од повеќе од 20% во однос на кредитите на населението или депозитите заземаат системски важна позиција. Од друга страна, гледаме многу можности за раст. Затоа веќе основавме компанија за лизинг во Северна Македонија пред речиси точно една година, а сега го надополнуваме нашето портфолио на производи со услуги за управување со средства“, објасни претседателот на Управниот одбор на НЛБ, Блаж Бродњак, додавајќи: „Дека дојде време за ново поглавје во инвестициските активности што им ги нудиме на нашите клиенти не треба да биде изненадување за секој кој внимателно ги следи нашите деловни одлуки. Постојано нагласуваме дека ги следиме пазарните услови и ги анализираме потенцијалните можности за тактички спојувања и превземања кои би можеле да ја зголемат додадената вредност за нашите засегнати страни“.
„Во НЛБ Групацијата веруваме во развој на инвестициски производи во регионот на Југоисточна Европа. Северна Македонија е особено интересна во овој поглед, бидејќи пенетрацијата на инвестициските производи е многу мала, од друга страна, пазарот е доволно развиен и приемчив за таква понуда, па гледаме многу можности за раст“, рече Лука Подлогар, претседател на управниот одбор на НЛБ Склади.
Како што додаде, по завршувањето на трансакцијата, на клиентите ќе им понудиме пристап до инвестициски производи во разгранетата мрежа на експозитури на НЛБ, а воедно ќе го прошириме и тековниот опсег на средства. Тој исто така објасни дека НЛБ Групацијата има намера во иднина да организира управување со средства под капата на НЛБ Склади.
НЛБ Склади е најголемата компанија за управување во областа на инвестициските фондови во Словенија, како и најголемата компанија за управување во однос на вкупната актива. Тие, долги години ја одржуваат својата водечка позиција на пазарот и постојано постигнуваат најголем удел во плаќањата, а им веруваат голем дел од Словенците.
Генерали Инвестментс АД Скопје е трета по големина компанија за управување со средства на македонскиот пазар со пазарен удел од 18%. Компанијата управува со приближно 37 милиони евра имот на клиентите во 4 различни инвестициски фондови (1 готовина, 1 балансиран и два капитални фондови) и вработува 10 експерти.
