Израелските власти ослободија 39 палестински затвореници, меѓу кои шест жени и 33 деца, објави рано во неделата палестинската новинска агенција WAFA. Од друга страна, израелските семејства пречекаа уште една група заложници.
Според извештајот, ослободени се шест жени и 33 млади мажи помлади од 19 години. Тие беа примени од нивните семејства во Источен Ерусалим и на Западниот Брег.
Како услов на договорот, милитантите на Хамас прво мораа да ги ослободат израелските заложници држени во Газа пред да ги ослободат палестинските затвореници од израелскиот притвор, според локалните извештаи.
Египет, САД и Катар посредуваа за четиридневен прекин на огнот меѓу Израел и исламистичкиот Хамас во размена на 50 цивилни заложници за палестински затвореници.
Емили Ханд го прослави својот деветти роденден како заложник во Газа, еден ден пред повторно да се соедини со нејзиниот татко, кој првично веруваше дека таа била убиена во разорниот напад на Хамас врз јужен Израел минатиот месец.
Емили беше вратена во друга група заложници ослободени од Хамас. На објавената фотографија таа се појави заедно со уште еден заложник Хила Рота чија мајка се уште е во Газа.
Ослободувањето е дел од договорот со Израел со посредство на Катар. Емили на фотографијата остави впечаток дека е во добра здравствена состојба.
