Пред неколку години паметните телефони со екран од 4.3 инчи се сметаа за големи. Но не и денес, кога компаниите објавуваат мини верзии на свои уреди кои имаат таква дијагонала. Последната од нив е „Xperia Z1 f“ на „Sony“.
За овој уред се појавија многу шпекулации во последните недели, сепак телефонот беше и официјално претставен во Јапонија. Интересно е дека „Sony“ ја смени само големината на екранот во мини верзија на својот предводник, моделот „Xperia Z1“. Од 5 инчи дијагонално е намален до 4.3 инчи. Резолуцијата исто така забележува пад од 1280 на 720 пиксели.
За сметка на тоа, хардверот останува ист – чип „Qualcomm Snapdragon 800 quad-core“ процесор на 2.2 GHz, 20,7 MP камера, како и 2 GB RAM меморија. Оперативниот систем е „Android 4.2.2 Jelly Bean“.
Интересно е дека „Xperia Z1 f“ ќе се продава во неколку бои – црна , бела, розова и жолта. Уредот ќе дебитира во декември во Јапонија, но се уште не е познато дали ќе се појави во Европа. Но се очекува овој покомпактен, но моќен топ смартфон да го привлече интересот на доста корисници на нашиот континент.
