Во петокот наутро, во седум часот по локално време, започна примирјето меѓу Израел и Хамас.
Група од 13 израелски жени и деца кои се држат како заложници се очекува да бидат ослободени подоцна денеска.
Неколку моменти пред почетокот на примирјето израелската армија објави дека војната не е завршена. „Хуманитарната пауза е привремена“, рече Авичај Адрае, портпарол на ИД, во објавеното видео. Тој исто така додаде дека северниот дел на Појасот Газа е опасна воена зона и дека движењето кон север е забрането од безбедносни причини.
Специјален авион донесе дома во Москва 103 руски државјани евакуирани од Газа, соопшти рано во петокот руското Министерство за вонредни ситуации.
Кремљ во средата го поздрави договорот за прекин на огнот во Газа, кој стапува на сила во петок, како „прва добра вест по долго време“ во израелско-палестинскиот конфликт. Се вели дека хуманитарните паузи се единствениот начин да се засилат напорите за одржливо решение.
Пристигнаа првите камиони со хуманитарна помош
Камиони со хуманитарна помош почнаа да влегуваат во Појасот Газа од Египет преку контролниот пункт Рафа, за првпат по стапувањето на сила на примирјето во Газа, објави египетскиот ТВ канал Al Cairo News.
-Во Газа денеска се планира да влезат 200 камиони со помош. Камиони почнаа да пристигнуваат во Појасот Газа преку контролниот пункт Рафа – објави ТВ каналот.
Тунелот под болницата Ал-Шифа беше уништен пред почетокот на прекинот на огнот
Непосредно пред почетокот на примирјето, ИД го сруши тунелот на Хамас откриен под болницата Шифа во Газа и го заврши распоредувањето на линиите за прекин на огнот.
Во соопштението се наведува дека 36-та дивизија и војниците на елитната борбена инженерска единица Јахалом го уништиле тунелот под Шифа и другите влезови во областа.
ИД објави дека во текот на последниот ден, до прекинот на огнот во 7 часот, продолжи да гаѓа цели на Хамас низ Појасот Газа и да ја бара инфраструктурата на милитантите.
Видеото објавено од ИД го покажува уништувањето на тунелот Шифа и неколку други неодамнешни напади во Газа.
צה״ל השלים את הערכותו המבצעית בקווי ההפוגה; הבוקר השמידו כוחות צה"ל את מנהרת הטרור שנחשפה בבית החולים שיפאא'
— צבא ההגנה לישראל (@idfonline) November 24, 2023
כוחות צה״ל השלימו את הערכותם המבצעית בקווי ההפוגה >> pic.twitter.com/dSUpyqZnUz
