Одборот на директори на „OpenAI“ преговара со Сем Алтман за негово враќање во компанијата како извршен директор. Неименуваниот извор рече дека Алтман, кој беше отпуштен од одборот во петокот без најава, бил „амбивалентен“ во врска со враќањето и дека би сакал значителни промени во менаџментот на фирмата.
Извор близок до отпуштениот извршен директор Сем Алтман открива дека одборот на OpenAI начелно се согласил да поднесе оставка и да му дозволи на Алтман и претседателот на компанијата и ко-основачот Грег Брокман да се вратат.
Сепак, Управниот одбор се чини дека се премислува бидејќи го пропушти рокот да поднесе оставка до 17 часот во сабота.
Доколку Алтман реши да си замине и да основа нова компанија, многу вработени сигурно би отишле со него. Алтман, кој е во преговори со компанијата, само еден ден откако беше сменет од позицијата извршен директор на компанијата, демонстрира дека „OpenAI“ е „во состојба на слободен пад“ без него.
Неколку часа откако Алтман беше сменет, Грег Брокман, претседател на OpenAI и поранешен претседател на одборот, поднесе оставка, а двајцата разговараа со пријателите и инвеститорите за основање друга компанија.
Голем број на високи истражувачи исто така поднесоа оставка во петокот, а луѓе запознаени со развојот на компанијата велат дека повеќето вработени се подготвуваат да заминат.
Најголемиот инвеститор на OpenAI, Мајкрософт, проговори за настаните во изминатите неколку дена, а во изјавата непосредно по отпуштањето на Алтман, беше истакнато дека компанијата „останува посветена“ на партнерството со фирмата.
Сепак, инвеститорите не беа предупредени или не им беше дадена шанса да ја оценат одлуката на одборот за отстранување на Алтман.
Отстранувањето на Алтман го турна „OpenAI“ на лизгава патека
Како заштитно лице на компанијата и најистакнат глас во областа на развојот на вештачката интелигенција, отстранувањето на Алтман ја движи иднината на „OpenAI“ во лизгава патека на неизвесност, во време кога конкуренцијата се трка да ја достигне огромната популарност на ChatGPT.
Портпаролот на OpenAI не одговори на барањето на The Verge за коментар дали Алтман разговарал за враќање во одборот. Портпаролот на „Мајкрософт“ исто така одби да коментира.
Одборот на директори на OpenAI ги вклучува Илја Сукевер, извршниот директор на Quora, Адам Ди’Анџело, поранешниот извршен директор на GeoSim Systems, Таша Мекаули и Хелен Тонер, директорка за стратегија во Центарот за безбедност и развојни технологии во Џорџтаун.
За разлика од нивните колеги во традиционалните компании, овој одбор нема задача да ја следи максималната вредност на акционерите и ниту еден од членовите нема капитал во OpenAI. Наместо тоа, нивната мисија е да обезбедат создавање на „широко корисна“ општа вештачка интелигенција.
