Компанијата „QSAlpha“ објави дека започнува со сериското производство на својот паметен телефон „Quasar IV“. Од компанијата тврдат дека уредот го има најсигурниот софтвер и неговото хакирање е речиси невозможно .
„Quasar IV“ ќе започне да се испорачува во втората половина на 2014-та година. Оперативниот систем на смартфонот е базиран на „Android“, но е надграден со системот и технологијата на „Quatrix“.
„QSAlpha“ го одредува уредот како „шифрон“ . Системот „Quatrix“ автоматски го потврдува идентитетот на другите корисници на „Quasar IV“ телефоните, пред да се испрати информација. Секој корисник ќе има свој уникатен клуч за идентификација кој е шифриран во чипот на телефонот. Без него пристапот до уредот е невозможен.
Телефонот располага со 4 -core процесор, 3GB RAM меморија и 64GB или 128GB место за чување на податоци. Покрај тоа, компанијата ќе обезбеди и 128GB во шифрирана „cloud“ услуга. Уредот ќе располага со „LTE“, „3G“, „GSM“, „GPS“, „WiF“ и „NFC“ модули и ќе биде насочен кон бизнис и потрошувачите, кои бараат безбедност на своите информации.
„Quasar IV“ ќе е паметен телефон од највисока класа. Тој ќе има 13 MP камера на задниот панел и 8MP предниот. 5 -инчниот дисплеј ќе е со „Full HD“ резолуција. Вградената батерија ќе има капацитет од 3300mAh, а метално куќиште е и водоотпорно.
Се очекува уредот да се најде на пазарот најдоцна до јуни 2014-та година. Цената на верзијата со 64GB ќе е 855долари, додека моделот со 128GB ќе биде за отприлика 100 долари поскап.
