Министерот за градежништво, транспорт и инфраструктура Горан Весиќ денеска со нашиот министер Благој Бочварски потпишаа Меморандум за изградба на брза пруга од Ниш до Скопје во Владата на Србија, за што двете земји заеднички ќе бараат средства од Европската Унија.
Весиќ претходно изјави дека пругата ќе се модернизира и електрифицира, за брзина од 120 километри на час.
Тој рече дека во тек е проектирањето на делницата Ниш – Прешево, долга 135 километри, а македонските партнери ќе проектираат околу 50 километри од границата до Скопје.