Пуцко Петрол докупи 1565 акции и сега поседува 11,05 отсто од ОKTA АД Скопје

Компанијата ОKTA АД Скопје, денеска во соопштение преку Македонската берза потврди дека Пуцко Петрол ја зголемил сопственичката структура на 11,05 отсто во компанијата.

Постапувајќи согласно член 38 од Правилата за котација на Македонска Берза АД Скопје, ОКТА АД- Скопје објавува дека, по соодветно известување, Пуцко Петрол ДООЕЛ Скопје ја зголеми својата сопственост за 1,565 акции, достигнувајќи вкупно 93,530 акции, што одговара на 11,05% од вкупниот број на акции, се вели во соопштението.

Пуцко Петрол е во сопственост на пратеникот на владејачката ДУИ, Исмаил Јахоски кој беше градоначалник на општина Пласница 24 години. Пуцко Петрол во 2022 година склучил 413 договори за јавни набавки во државните институции во вредност од 50 милиони евра.