ПОТРОШУВАЧКАТА НА ВОДА ВО ГАЗА ПАДНА ЗА 90 ОСТО: Хуманитарна катастрофа во палестинската енклава

Израелските копнени, морски и воздушни напади на Појасот Газа, кои следеа по нападот на Хамас врз Израел на 7 октомври, доведоа до уништување во областа што досега не била видена, пишува Ројтерс, додавајќи дека потрошувачката на вода во Појасот е намалена за дури 90 проценти.

Најмалку 45 отсто од станбените згради се уништени или оштетени, според Канцеларијата на ОН за координација на хуманитарни прашања, која проценува дека повеќе од 40.000 се уништени, а уште 222.000 станбени згради се оштетени.

Невозможно е да се проверат и потврдат податоците, но известувачите од местото на настанот известуваат дека во градот Беит Ханун „не останала да стои ниту една населива зграда“.

Оштетени се 279 образовни објекти, што е повеќе од половина. Ниту еден од 625.000 ученици и студенти не може да се школува.