Најновата серија на уреди на iPhone беше лансирана во средината на септември, со одредени поскапувања на американскиот пазар.
Сепак, иако финалната бројка најмногу се зборува, дали некогаш сте се запрашале колку чини Apple да направи еден iPhone?
Секако, бидејќи има четири модели, имаме и четири различни одговори. Според анализата на Nikkei, откриено е дека сегашната серија на iPhone 15 чинела помеѓу 8 и 16 проценти повеќе за изработка од претходните модели, пренесува SmartLife.
Очекувано, iPhone 15 Pro Max е најскапиот телефон што го произведува Apple, а вкупната цена на материјалите е 558 долари, што е за 12 отсто поскапо од моделот 14 Pro Max.
Најмалата разлика во однос на претходната генерација е видлива на уредот iPhone 15 Pro, чии компоненти чинат 523 долари, што во превод значи 8 отсто поскапи од моделот 14 Pro.
Кога станува збор за моделот iPhone 15 Plus, се проценува дека Apple морал да издвои 442 долари за неговото производство, односно 10 отсто повеќе отколку за моделот 14 Plus.
Многумина ќе помислат дека најголемото изненадување е обичниот iPhone 15. Изработката на овој модел го чинеше Apple 423 долари, што е за 16 отсто повеќе од телефонот iPhone 14. Меѓутоа, ако се земе во предвид колку мали беа промените во однос на iPhone 13, како и фактот дека 14 се покажа како телефон со најголема вредност на користениот Apple пазар, сликата станува многу појасна.
Погледот на втората анализа, објавена на 9 ноември од Counterpoint Research, ни дава увид кои делови поскапеле, а кои поевтиниле. Очекувано, Apple мораше да одвои повеќе пари за подобар сензор за камера, за титаниумско куќиште за потребите на моделот Pro, како и за A17 Pro, првиот чипсет направен на процес на производство од 3nm. Од друга страна, гигантот од Купертино го фаворизираа пониските цени на меморијата и екраните.
