Додека беснее војната меѓу Израел и Хамас, израелската армија повика илјадници резервисти да земат оружје и да ја бранат својата татковина. Досега во земјава пристигнале околу 360.000 резервисти. Меѓутоа, среде оваа масовна мобилизација, некои војници му поставија на израелскиот премиер Бенјамин Нетанјаху тешко прашање: „Каде е твојот син?
Според пишувањата на медиумите, 32-годишниот Јаир Нетанјаху е на Флорида од април, што налутило многу војници. „Јаир ужива во својот живот во Мајами Бич додека јас сум на фронтот“, цитира Тајмс еден војник, волонтер кој служи на северниот фронт на Израел.
„Ние сме тие што ги напуштаат нашите работни места, нашите семејства, нашите деца, за да ги заштитиме нашите семејства дома и земјата, а не луѓето кои се одговорни за оваа ситуација“, рече тој.
❌Israeli Soldiers Blast Benjamin Netanyahu’s Son for “Abandoning Them” as Bibi’s Reservist Boy Decides to Stay in Miami
— Dēmiurgòs (@DemiurgosCaen) October 24, 2023
Israeli reservist soldier Yair Netanyahu, 32, has been in Florida since at least April, after his father told him to stop making inflammatory posts on social… pic.twitter.com/KumWTqX3Mn
„Нашите браќа, нашите татковци, нашите синови, сите одат на фронтот, но Јаир сè уште не е тука. Тоа не помага да се изгради доверба во раководството на земјата“, додаде тој.
Друг резервист, кој се врати во Израел од САД, оставајќи ги зад себе својата работа и семејството, исто така ја изрази истата загриженост.
„Нема шанси да останам таму и да ја напуштам мојата земја, мојот народ, во овој момент. Каде е синот на премиерот? Зошто не е во Израел? Тоа е моментот што најмногу не обединува како Израелци во нашата понова историја и секој од нас треба да биде тука во моментов, вклучително и синот на премиерот“, рече тој.
Јаир, кој го завршил средното образование, задолжителниот воен рок го исполнил во Израел работејќи во единицата за портпарол на ИД, наместо да преземе борбена улога, пишува Јутарњи лист.
Граѓаните на Израел се обврзани да служат војска кога ќе наполнат 18 години, а мажите отслужуваат 32 месеци, а жените 24 месеци.
По почетната служба, многу поединци може да бидат повикани да служат во одбранбените единици до 40-годишна возраст или повеќе, особено во случај на национална вонредна состојба, за време на која тие можат да бидат распоредени заедно со редовните трупи во време на конфликт.
