„Apple“ објави дека во ноември ќе лансира нов „Apple Pencil“ за 79 долари со скриена порта за полнење „USB-C“, пишува „CNBC“.
Претходните модели бараа од корисниците да ја полнат иглата со тоа што ќе ја вметнат во приклучокот за полнење на „iPad“, потсетува медиумот.
Тој е најевтиниот „Apple Pencil“ досега и работи со сите „USB-C“ модели на „iPad“, иако не вклучува некои од карактеристиките на поскапите варијанти на „Apple Pencil“.
Уредот се прикачува со магнет на „USB-C“ на „iPad“, но не се полни безжично како втората генерација на „Apple Pencil“ од 129 долари. Исто така, не вклучува чувствителност на притисок, карактеристика што беше достапна во постарата верзија на иглата од 99 долари. Тоа значи дека новата понуда може да биде подобра за луѓето кои само треба да прават белешки, а не толку за дигиталните уметници.
Сето ова се случува откако компанијата ја лансираше новата серија „iPhone 15“, која има „USB-C“ влез на местото на портата „Lightning“ што ја користеа претходните уреди на технолошкиот гигант. Минатата година, компанијата рече дека ќе се префрли на заеднички стандард за напојување во согласност со барањата на Европската унија.
