23 јули, 2024
ПочетнаЕКОНОМИЈАНајавено е поскапување на увезените автомобили – возило од 10.000 евра ќе...

Најавено е поскапување на увезените автомобили – возило од 10.000 евра ќе чини најмалку 11.000 евра?

Во Министерството за финансии во секој момент се очекува да се одржи состанок со увозниците на моторни возила по најавите за зголемување на данокот за увоз на автомобили.

Зголемувањето на данокот за дел од возилата е предвидено со измените на Уредбата за начинот на пресметка на данок на моторни возила, кој е изработен во рамки на проектот со Светска банка за унапредување на оданочувањето на моторни возила.

Како што дознаваме, целта на измените е да се поттикне увозот на еколошки прифатливи и енергетски ефикасни возила, кои ќе ја намалат загаденоста од издувните гасови и ќе го подобрат квалитетот на животот на граѓаните.

Од Министерството исто така брифираат дека измените ќе донесат дополнителни приходи за буџетот, кои ќе се користат за поддршка на зелената економија и за развој на инфраструктурата.

Но, увозниците на моторни возила не се согласуваат со ова тврдење и бараат од Владата да го повлече предлогот за измена на Уредбата.

Тие велат дека ова ќе има негативни последици за нивната индустрија, која веќе е тешко погодена од пандемијата на коронавирусот и од економската криза.

Еден од нив е Борис, сопственик на авто-плац во Скопје, кој редовно увезува автомобили од странство и ги продава во Македонија. Тој вели дека поскапувањето на возилата ќе биде нов удар врз неговиот бизнис.

„Јас работам со увоз на половни автомобили од Европа, чија цена е прифатлива за македонскиот пазар. Сега со новите даночни стапки, ќе морам да ја зголемам цената на возилата за околу 10 до 15 проценти, што значи дека ќе имам помалку купувачи. Ова ќе ми го намали приходот и ќе морам да го смалам бројот на вработени. Не ме сфаќајте погрешно, немам ништо против зелената политика, но мислам дека ова не е праведно решение за сите увозници”, изјави нашиот соговорник.

Министерството за финансии сè уште не дало официјален термин за состанокот со увозниците на моторни возила, но според извори од Министерството, тој би требало да се одржи до крајот на денот.

Б.З.М.

НАЈНОВИ ВЕСТИ

ХОРОСКОП