„Amazon.com“ соопшти дека ќе инвестира до 4 милијарди долари во стартапот од висок профил „Anthropic“ во обид да ја искористи растечката конкуренција во вештачката интелигенција.
Вработените и клиентите на „Amazon“ ќе добијат ран пристап до технолошките способности на „Anthropic“ како дел од договорот, што ќе можат да го имплементираат во нивните бизниси. Стартапот со седиште во Сан Франциско, исто така, се обврза да се потпира првенствено на облак-услугите на „Amazon“, вклучително и за обука на своите идни модели со вештачка интелигенција на големи количини на сопственички чипови што ќе ги купува од онлајн трговијата и компјутерскиот гигант.
Во заедничко интервју, извршните директори на одделот за облак услуги на „Amazon“ и „Anthropic“ рекоа дека непосредната инвестиција ќе биде 1,25 милијарди долари, при што секоја страна ќе има право да активира дополнителни 2,75 милијарди долари финансирање од „Amazon“. Сè уште не е јасно колкав дел од „Anthropic“ ќе поседува „Amazon“ или која е ажурираната вредност на стартапот, кој последен пат беше проценет на повеќе од 4 милијарди долари. Сепак, јасно е дека „Amazon“ нема да добие место во одборот и дека уделот на гигантот е малцинство.
Веста го означува и најсериозниот одговор на „Amazon“ на предизвиците што ги поставуваат „Мicrosoft“ и „Google“ на „Alphabet“, помали конкуренти на пазарот на облак технологија кои лансираа или развија моќни платформи за вештачка интелигенција оваа година. Договорот, исто така, покажува дека компаниите за облак услуги продолжуваат да маневрираат за да обезбедат врски со стартапи со вештачка интелигенција кои го менуваат лицето на нивната индустрија.
Од 2019-та година, на пример, „Microsoft“ вложи милијарди долари во своето партнерство со креаторот на „ChatGPT“ – „OpenAI“, давајќи им на своите клиенти посебен пристап до технологијата за пишување текст и генерирање слики на стартапот.
Во меѓувреме, „Google“ го таргетираше и „Anthropic“, помагајќи ѝ на компанијата да собере 450 милиони долари инвестиции во мај. Според стартапот, оваа врска ќе остане и покрај партнерството со „Amazon“.
За самиот „Amazon“, договорот од понеделник може да значи зголемена побарувачка, вклучително и чипови за напојување на вештачката интелигенција, бидејќи „Anthropic“ се согласи да работи на развој на технологија за своите „Trainium“ и „Inferentia“.
Адам Селипски, извршниот директор на веб-услугите на „Amazon“, рече дека договорот „ќе помогне да се подобрат моделите на „Anthropic“, да се подобри нивната технологија за чипови и инфраструктурата за вештачка интелигенција“.
Дарио Амодеи, извршниот директор на „Anthropic“, за возврат рече дека неговата компанија „ги примила парите на начин што ѝ овозможува да и даде приоритет на безбедноста“ и „ни овозможува да продолжиме да ги шириме нашите модели“.
