Италија не може да ја продаде „Monte dei Paschi di Siena“ во блиска иднина поради недостиг на купувачи, пренесува „Reuters“.
Наместо тоа, земјата размислува да продолжи со пласирање мали блокови акции на пазарот, рекоа извори запознаени со ова, цитирани од агенцијата.
Италија поседува 64 отсто од тосканската банка по спасувачката програма во 2017-та година, која потоа Европската унија ја одобри под услов да биде привремена.
„Reuters“ во мај објави дека Министерството за финансии е подготвено да го продаде својот удел во „Monte dei Paschi“ на пазарот доколку условите се во право.
Според изворите, опцијата за блокови акции на пазарот се повеќе се наметнува како единствено реално решение за исполнување на обврските за реприватизација што Рим ги презеде кон ЕУ, со оглед на недостигот на купувачи.
Иако Министерството за финансии размислува да го намали својот удел преку понуда на акции, ќе ја задржи мнозинската сопственост, рече еден од изворите.
Портпаролот на Министерството изјави дека сѐ уште не е донесена одлука за банката.
По неуспешниот обид за продажба на „UniCredit“ на крајот на 2021-ва година, Министерството за финансии го ангажираше Луиџи Ловаљо да го води „Monte dei Paschi“ во ризичното собирање капитал, што ветеранот банкар го спроведе пред една година во тешки пазарни услови.
Ловаљо го користи капиталот за финансирање отпремнини и зголемување на профитот со намалување на трошоците, предвидувајќи нето добивка од повеќе од 1 милијарда евра во оваа година.
„UniCredit“ и „Banco BPM“ постојано негираа каков било интерес за купување на „Monte dei Paschi“.
Банкарите рекоа дека зголемувањето на капиталот го поскапи потенцијалниот договор за секој купувач, комплицирајќи ја можноста за спојување.
Во минатото, Ловаљо постојано повикуваше на консолидација меѓу кредиторите со средна големина, како што се, но според еден од изворите, владата верува дека ако се даде повеќе време, менаџментот на банката може да генерира дополнителна вредност за акционерите во „Monte dei Paschi“, што се чини пожелно е пред избрзаното склучување договор.
Италијанската банка „Monte dei Paschi di Siena“ е најстарата сѐ уште оперативна финансиска институција во светот, која потекнува од добротворната организација „Monte pio di Siena“.
Нејзиниот почеток е воспоставен во далечната 1472-ра година.
Меѓутоа, во сегашната форма, „Monte dei Paschi di Siena“ постои од 1624-та година, кога го доби својот официјален статус на банкарска институција и беше припоена кон Големото Војводство Тоскана, управувано од семејството Медичи. Најголемата експанзија на банката се случи во годините по Првата и Втората светска војна, кога стана една од водечките финансиски институции во Италија.
Меѓутоа, во финансиската криза години по 2008-ма година, „Monte dei Paschi“ пропадна под тежината на финансиските скандали и лошите кредити, што доведе до негова национализација.
