Практиката да се отвораат неколку различни профили за различни цели, од тролање до желба за заштита на приватноста е стара колку и самите социјални мрежи. Корисниците отсекогаш прибегнувале кон тоа, некои за да се забавуваат, други за да ја одделат својата онлајн личност од вистинската, некои за да се имитираат себеси.
Сето тоа, според правилата за користење на социјалните мрежи, не било целосно „легално“, а ваквите дополнителни профили мрежите ги третирале како посебни корисници. Но, најголемиот меѓу нив, „Facebook“ сега воведува можност за сосема легитимно отворање на дополнителен личен профил, поврзан со основниот.
Нивната цел е да им овозможат на корисниците да го „организираат своето искуство“ на социјалната мрежа. На пример, ако сакате да имате еден профил за лични, а друг за деловни потреби, сега ќе можете да го направите тоа без да морате да се одјавите од еден профил и да се најавувате на другиот. Промената на активниот профил ќе биде едноставна, ќе се направи само со кликнување на фотографијата на профилот во поставките и за момент ќе пристапите на „Facebook“ од друг профил.
Секој од профилите ќе ви овозможи да имате различен круг на пријатели, да учествувате во различни групи и да „лајкнете“ различни страници, интереси и слично. Овој потег во „Meta“ се оправдува со успешното лансирање на истата функција на Инстаграм и минатогодишното тестирање на самиот „Facebook“.
Кога станува збор за дополнителни функции, новите (секундарни) профили првично ќе имаат посебно сандаче за пораки од „Messenger“, но нема да имаат пристап до системи како „Facebook Dating“ или „Marketplace“. Поставките за приватност ќе може да се уредуваат за секој профил посебно, а пријателите од еден профил нема да видат дека истиот корисник има други профили.
Политиката за автентичност, која „Facebook“ сè уште ја спроведува, ќе остане на сила. Така, главниот кориснички профил ќе мора да има „легално“ име, т.е. оној што го има корисникот на личните документи. Дополнителни профили може да се отворат под други имиња, но тие не смеат да се користат за обид за имитирање, на пример преправање дека сте друга (постоечка) личност или лажно менување на вашата возраст, локација и други информации.
Лицата кои редовно ги прекршуваат правилата на однесување на „Facebook“ нема да смеат да отвораат дополнителни профили.
