„Lenovo“ се приклучи на зголемениот број производители кои вклучија конзола за игри во својата понуда.
„Legion Go“ е нивниот прв уред од ваков вид и ќе биде достапен од октомври оваа година, со почеток од 699 американски долари.
Црниот уред со контролери е со димензии 299 на 131 на 41 милиметар и тежи 854 грама. Изгледа како комбинација од „Nintendo Switch“ и „Asus ROG Ally“.
Опремен е со екран од 8,8 инчи (22,3 сантиметри) со QHD Plus резолуција (2.560 x 1.600 пиксели), со брзина на освежување до 144 Hz и осветленост до 500 nits.
Под „хаубата“ се наоѓа процесорот „Ryzen Z1 Extreme“ на „AMD“, поддржан од графички чип „AMD RNDA“ и работна меморија од 16 гигабајти и складирање податоци до еден терабајт.
За автономија е одговорна батеријата со капацитет од 49,2 Wh, која поддржува брзо полнење.
Контролорите може да се одвојат. Има два звучници, моќност од два пати два вати и микрофон.
Што се однесува до конекциите, има аудио влез од 3,5 mm за слушалки и слотови за USB-C 4.0 (два пати) и мемориска картичка microSD, со капацитет до два терабајти.
За безжично поврзување, може да сметате на Wi-Fi 6E (802.11 ax) и најмалку Bluetooth 5.2.
Се напојува со оперативниот систем „Windows 11 Home“. Интересно е што „Microsoft“ не беше вклучен во развојот на оваа гејмерска конзола.