Евгениј Пригожин на списокот на патници во авионот, соопшти Русија

Шефот на руската паравоена групација „Вагнер“ Евгениј Пригожин наводно загинал денеска откако неговиот приватен авион се урна во руската област Твер, соопшти руската Федерална управа за авијација.

– Покрената е истрага за падот на авионот Ембраер, што се случи вечерва во регионот Твер. На списокот на патници е и Евгениј Пригожин – се наведува во соопштението, пренесува ТАС.

Покрај Пригожин, имало уште шест патници и тројца членови на екипажот, се додава и дека никој не преживеал. Авионот Ембраер летал од Москва за Санкт Петербург.

Напомена: Некои руски медиуми првично ја објавија информацијата дека е потврдено дека Пригожин загинал во авионската несреќа, а потоа ја смениле и навеле дека е потврдено дека е на списокот на патници.