„Allianz Global Investors“, огранок за управување со богатството на осигурителот, планира да собере најмалку 1,5 милијарди евра за нов глобален приватен капитал, изјави портпаролот на компанијата, додека инвеститорите се обидуваат да ја зголемат изложеноста кон класата на средства.
Компанијата ја формираше „Allianz Global Diversified Private Debt Fund (AGDPDF) II“ во Луксембург во средината на јуни, покажуваат документите.
Фондот планира да го заврши првичното собирање доволно капитал за инвестирање до крајот на годината, рече портпаролот.
„Allianz“ собра 3,3 милијарди евра за друг фонд во април, што е значително над неговата првична цел од 1,5 милијарди евра.
Менаџерите на пари се борат за дел од растечкиот пазар на приватни заеми што се појави по финансиската криза во 2008-ма година и моментално се проценува на 1,5 трилиони долари во средства. Приватните капитални фондови сѐ повеќе се натпреваруваат со банките, вклучително и за финансирање откуп на големи компании.
Економската несигурност предизвикана од зголемувањето на каматните стапки го забави прибирањето средства, но приватните капитални фондови продолжуваат да привлекуваат инвеститори, собирајќи повеќе од 130 милијарди долари од почетокот на годината, покажуваат податоците на „Preqin“.
Најбрзиот пораст на трошоците за позајмување во последните децении го стави на тест приватното кредитирање, но досега неплаќањата на заемопримачите беа ограничени.
Индексот на приватниот долг на адвокатската фирма „Proskauer“ покажува дека стапките на неисполнување на обврските паднале на 1,64 отсто во вториот квартал од 2023-та година по два последователни квартали на раст.
Наместо директно да позајмува, Фондот за приватен долг на „Allianz Global Diversified“ инвестира во други кредитни фондови и прави заеднички инвестиции.
По брзото зголемување на распределбата на алтернативни инвестиции како што се приватниот капитал и инфраструктурата, осигурителниот бизнис на „Allianz“ сега го пренасочува својот фокус назад кон обичните обврзници поради зголемените каматни стапки.
Алтернативното портфолио на групата изнесуваше 231 милијарди евра на крајот на јуни, што е малку помалку од декември, според резултатите од средината на годината.
