Германската модна куќа „Hugo Boss“ во средата ја зголеми својата перспектива за целата година откако објави скок од 20% во продажбата во вториот квартал. Освежувањето на брендот и маркетиншкиот притисок и помогнаа на компанијата да ја надмине бавната побарувачка во американскиот и кинескиот сектор.
Луксузната модна групација останува отпорна на забавување на американскиот и европскиот пазар, додека во исто време продажбата во Азија расте и покрај побавното закрепнување на Кина од очекуваното.
Бизнисот на компанијата во Европа, Блискиот Исток и Азија (EMEA), како и во Северна и Јужна Америка, има корист од растот на туризмот, велат од „Hugo Boss“. Во исто време, приходите приспособени според валутата во Кина се зголемија за 56% на годишно ниво, што го прави азиско-пацифичкиот регион најсилен за компанијата.
Во првите шест месеци од годината, трговецот на мало отвори 17 нови „Boss“ продавници низ трите региони, со посебен фокус на Кина.
Продажбите на групата за кварталот се зголемија на 1,03 милијарди евра на валутна основа, од 878 милиони евра една година порано. Ова во голема мера беше во согласност со очекувањата на аналитичарите откако брендовите „Boss“ и „Hugo“ добија удел на пазарот, особено кај помладите потрошувачи.
Компанијата очекува годишната продажба да се зголеми за 12 до 15% и да достигне 4,1-4,2 милијарди евра, во споредба со претходната прогноза за раст од околу 10% до 4 милијарди евра.
„Иако новото упатство е во согласност со претходно постоечките очекувања, сепак може да се смета за конзервативно во контекст на заработката во вториот квартал, особено ако продолжи солидниот моментум на заработка“, велат аналитичарите на „JP Morgan“.
„Hugo Boss“ предвидува дека оперативниот профит во 2023-та година ќе се зголеми за 20% до 25% до 400-420 милиони евра, што е повеќе од претходните очекувања за раст од 10% до 20%.
Брендот известува за забрзување на онлајн продажбата, која е зголемена за 30% на валутна основа во истиот период во 2022-ра година.
Акциите на „Hugo Boss“ се зголемија за 0,7% во почетокот на тргувањето во Франкфурт.
