Фармацевтскиот гигант „Roche“ рече дека оперативниот профит во првата половина паднал за 14 отсто откако швајцарскиот производител на лекови беше погоден од остар пад на продажбата на производи против Ковид-19, но силното лансирање на нов лек за очи го ублажи падот.
Компанијата во соопштението рече дека основната оперативна добивка достигнала од 10,9 милијарди швајцарски франци (12,68 милијарди долари) и е во согласност со очекувањата на аналитичарите.
Полугодишната продажба на „Vabysmo“, инјекција против вообичаената форма на слепило кај постарите лица која доби одобрение на почетокот на минатата година, достигна 1 милијарда франци, над консензусот на аналитичарите од околу 890 милиони франци.
„Roche“ го рекламира лекот „Vabysmo“ – најсилниот двигател на растот на фармацевтската единица – како опција за третман што може да се дава на подолги интервали од веќе воспоставениот режим на „Eylea“ на „Bayer“ и „Regeneron“.
Конкурентите развиваат верзија на „Eylea“ со повисоки дози, која исто така може да се инјектира поретко, но американските здравствени регулатори во јуни одбија да ја одобрат, зголемувајќи ги очекувањата за побрз раст на продажбата за „Vabysmo“.
„Roche“ соопшти дека сè уште очекува групната продажба да падне меѓу 1 и 3 проценти во 2023-та година, исклучувајќи го ефектот од валутните флуктуации.
Ова се должи на остриот пад на продажбата на производи против Ковид-19 од околу 5 милијарди швајцарски франци бидејќи побарувачката паѓа за лабораториски тестови за Ковид-19, третман со антитела „Ronapreve“, како и обновениот лек за артритис „Actemra“.
