Компанијата за изнајмување автомобили „Hertz Global Holdings Inc.“ објави заработка по акција што ги надмина очекувањата на пазарот бидејќи раководството го насочи низ период на пониски цени на користени возила во САД, пишува „Bloomberg“.
Заработката по акција на „Hertz“ достигна 72 центи за вториот квартал, надминувајќи ги очекувањата на аналитичарите од 64 центи по акција.
Од компанијата посочуваат дека побарувачката за изнајмување транспорт е зголемена во вториот квартал во позадина на растот на трансакциите.
„Hertz“ истакна дека амортизацијата на нејзините автомобили се зголемила речиси тројно во однос на претходната година на 1.945 долари по автомобил месечно.
Компаниите за изнајмување автомобили и дилерите на автомобили се обидуваат да ја надминат слабоста на пазарите на половни автомобили, каде што цените паднаа од речиси рекордно високо ниво пред една година. Само во јуни цените паднаа за 11 отсто.
„Резултатите од вториот квартал беа силни, што ја одразува континуираната силна побарувачка за нашите услуги и зголеменото ниво на искористеност на возниот парк“, рече Стивен Шер, главен извршен директор на „Hertz“.
„Нашиот фокус на враќањето на средствата продолжува да дава опипливи резултати“, додава тој.
Компанијата со седиште во Флорида соопшти дека приходите се зголемиле за 4 отсто на 2,4 милијарди долари.
