Федералниот комитет за отворен пазар (FOMC) денеска ја зголеми каматната стапка за 0,25 процентни поени на ниво меѓу 5,25 и 5,50 отсто, во согласност со очекувањата. Ова е највисокото ниво во последните 22 години, јавуваат странските новински агенции.
Повтореното зголемување на каматните стапки на ФЕД овозможува опстанок на многу добри услови на пазарот на трудот. Во исто време, базичната инфлација, која ги исклучува цените на храната и енергијата, полека се намалува, но сепак е далеку над целната вредност од два отсто.
Се очекуваше единаесетто зголемување за 16 месеци. Но, според извештаите на медиумите, мислењата на членовите на Одборот на Федералните резерви се различни. Некои се за продолжување на зголемувањето на каматните стапки, додека други сакаат да се запре зголемувањето на цените и со тоа да се заштити пазарот на трудот.
ФЕД изјави дека ќе носи дополнителни одлуки во зависност од развојот на настаните во економијата и нивните последици врз монетарната политика. Креаторите на политиката размислуваат за пауза на нивниот следен состанок во септември, според извори запознаени со ова прашање, но сугерираат дека монетарното затегнување е далеку од завршено.
FOMC направи пауза на состанокот во јуни по 10 последователни зголемувања на каматните стапки во 15 месеци. По денешното повторно зголемување, аналитичарите сугерираат дека централната банка најверојатно ќе ја зголеми основната каматна стапка само уште еднаш оваа година, бидејќи инфлацијата ќе се намали.
