Илон Маск, како што најави претходно, го смени препознатливото лого на Твитер, а сината птица беше заменета со буквата X. Ова го отвори прашањето како оваа промена ќе влијае на оваа социјална мрежа.
Сопственикот на Твитер, Илон Маск, вчера го претстави новото лого на социјалната платформа, бел знак „Х“ на црна позадина, кој треба да го замени познатиот симбол сина птица. До платформата може да се пристапи преку порталот x.com, кој води директно до Twitter.
Новото лого на компанијата во октомври е платено 44 милијарди долари, а сега според некои проценки вреди двојно повеќе.
Пред промената, Маск објави фотографија на оваа социјална мрежа на која се гледа новото лого проектирано на зградата на Твитер во Сан Франциско.
Извршниот директор на Твитер, Линда Џакарино, изјави дека X пристигнал.
Пред сето тоа, со многубројните ТВ камери во седиштето на зградата во Сан Франциско, започна отстранувањето на старото лого, на кое корисниците се навикнати со години.
Маск претходно најави дека логото на Твитер ќе биде променето, а во април за кратко наместо сината птица имаше икона на куче што го претставува Догекоин, инспирирана од популарното интернет меме кое е создадено кога сопственикот на куче од логото објави нејзина фотографија на социјалните мрежи, не сонувајќи дека ќе стане глобално популарна.
Зошто токму знакот Х?
Се чини дека буквата X на некој начин е опсесија на Маск. Тоа е во сè што Маск допре во изминатите 20 години.
Кога го купи Paypal оригиналниот интернет портал кој водеше до Paypal беше x.com. Тоа е и на името на неговата компанија SpaceX, а едно од возилата на неговата компанија Tesla во своето име ја има буквата X. Невообичаеното име на едно од неговите деца, X Æ A-12, ја содржи и буквата X.
Некои корисници не беа воодушевени од новото лого велејќи дека ќе продолжат да ја нарекуваат социјалната мрежа Твитер, на што Маск одговори дека нема уште долго време.
На прашањето на еден од корисниците како сега ќе се нарекуваат објавите на Твитер познати како твитови, Маск одговорил: „Xs“.
„Наскоро ќе се збогуваме со брендот Твитер и постепено, со сите птици“, објави Маск ден пред промената на логото на социјалната мрежа.
Во таа прилика тој изјави дека сака да го смени логото на Твитер и ги праша своите милиони следбеници дали би сакале да ја сменат бојата на позадината на страницата од сина во црна.
Сината птица е дело на трио дизајнери кои го лансираа ова лого во 2012 година. Мартин Грасер, еден од креаторите на логото по кое до сега беше препознатлив Твитер, вчера се прости од својата работа на Твитер.
