Нафтената компанија „Chevron“ забележа профит од 6 милијарди долари во вториот квартал, соопшти компанијата во реткото однапред обелоденување на финансиските резултати, пишува „Reuters“. Финансискиот извештај официјално ќе биде објавен на крајот на оваа недела.
Прелиминарните податоци беа подобри од очекувањата на пазарот, според „Reuters“. Сепак, резултатот е половина од рекордниот профит што го забележа „Chevron“ за истиот период минатата година, кога енергетската криза беше на врвот. Поради високите цени на енергетските производи, повеќето компании од секторот забележаа рекордни профити во текот на 2022-ра година.
Од компанијата велат дека сѐ уште имаат добри резултати. Во вториот квартал од годината „Chevron“ го зголеми производството во Пермскиот басен – најперспективното поле за нафта од шкрилци во САД, на 772 илјади барели дневно. Ова е за 10% повеќе од лани и е рекордно производство за компанијата во регионот.
Проектите на „Chevron“ во Казахстан исто така се движат според планираното.
„Reuters“ потсетува дека компанијата ја купи „PDC Energy“ на почетокот на годината за сума од 7,6 милијарди долари. Се очекува договорот да биде финализиран во август.
