15 април, 2024
ПочетнаМАКЕДОНИЈАОпштина Аеродром и Муцунски казнети со 88.000 евра поради исфрлање отпад на...

Општина Аеродром и Муцунски казнети со 88.000 евра поради исфрлање отпад на јавна површина

Инспекторатот за животна средина изрече глоба за Општина Аеродром и за градоначалникот Тимчо Муцунски во висина од 88.000 евра во денарска противвредност поради исфрлање отпад на јавна површина, со што се загрозуваат животната средина и здравјето на граѓаните, известува Град Скопје.

„Имено, Општина Аеродром преку компанијата ‘Пирамид билдинг’, ангажирана на тендер, наместо на предвидената локација во ЈП ‘Дрисла’, го исфрлала општинскиот отпад на зелена површина, во парк во близина на управната зграда на ФФМ на булеварот АСНОМ, со што направиле нова дива депонија“, велат од Град Скопје.

Рокот за подмирување на казната е осум дена од денот на изрекувањето, во спротивно таа присилно ќе се наплати.

Дополнително, против сите прекршители ќе бидат поднесени и соодветни кривични пријави, додаваат од Градот.

НАЈНОВИ ВЕСТИ

ХОРОСКОП