Компанијата „Hyundai Motor“ го претстави радикално трансформираниот, целосно новиот „Santa Fe“.
Ова е петта генерација на корејскиот теренец со средна големина, обликуван, како што велат од компанијата, „врз основа на мноштво податоци поврзани со најновите трендови во начинот на живот на отворено“.
За првото целосно дотерување на „Santa Fe“ од 2018-та година, „Hyundai“ зазеде неконвенционален пристап, потпирајќи се на типот на дизајн заснован на животниот стил за да го максимизира капацитетот на заден товар и подобро да се прилагоди на активностите на отворено, како и на оние во градот.
Како резултат на тоа, новиот модел има робустен надворешен дизајн и пространа, разноврсна внатрешност која тече од неговата зголемена задна врата, „обезбедувајќи им на корисниците простор како внатрешен двор кога и каде им е потребен“.
„Hyundai“ објаснува дека фаровите во форма на „H“ се во согласност со „H“-мотивот на долниот преден дизајн за да се подобри визуелната комплетност. Дизајнерските елементи во форма на буквата „H“ го реинтерпретираат амблемот „H“ на „Hyundai“.
Од страна, има продолжено меѓуоскино растојание, остро дефинирани лакови на тркалата, скратен предна настрешница и тркала од 21 инчи, а сето тоа му дава на овој SUV груб, авантуристички изглед.
Дефинирано со неговата поголема задна врата, задниот дел на возилото е поедноставен, балансирајќи го целокупниот надворешен дизајн.
Задните светла во форма на „H“ се совпаѓаат со фаровите „H“ за да создадат хармонија и да обезбедат препознатлив впечаток на „Santa Fe“ на патот, дење или ноќе.
Рафинираниот ентериер е во контраст со моќниот екстериер. Внатрешниот дизајн ги нагласува хоризонталните и вертикалните линии, при што „H“-мотивот е применет на контролната табла и отворите за воздух за „да го подобри чувството на отвореност и да создаде уникатен сензибилитет“.
Внатрешноста на новиот „Santa Fe“ е илустрирана со различни високотехнолошки карактеристики, вклучувајќи панорамски заоблен екран и двојно безжично полнење.
Заоблениот екран ги поврзува 12,3-инчниот дигитален кластер и инфозабавниот систем, подобрувајќи ја видливоста на возачот додека обезбедува чувство на луксуз, според „Hyundai“.
Новиот „SUV“ вклучува и низа одржливи материјали. Наслоните налик на велур, патосниците и наслоните на седиштата во вториот и третиот ред се направени од рециклирана пластика, додека контролната табла и облогите на вратите се изработени од еколошка синтетичка кожа.
Боите на внатрешноста и надворешноста, инспирирани од природна светлина, го истакнуваат уникатниот стил на возилото.
Целосно новиот „Santa Fe“ ќе ја има својата официјална светска премиера во август на „YouTube“ каналот на „Hyundai“.
