Моделот „Nothing Phone (2)“ пристигнува на европскиот пазар со голем број подобрувања во споредба со неговиот претходник, а неговиот грб сега е позаоблен и полесен за држење.
Во однос на хардверот, „Nothing Phone (2)“ користи 6,7-инчен LTPO OLED дисплеј со FHD+ резолуција и прилагодлива стапка на освежување од 1Hz до 120Hz. На горниот дел од екранот има селфи камера од 32 MP, со сензор Sony IMX615 и поддршка за снимање видео од 1080p.
На задната страна, има главна камера од 50 MP со сензор Sony IMX890, заедно со OIS и EIS стабилизација на сликата. Ултра широката камера од 50 MP користи сензор JN1 на „Samsung“.
Системот за осветлување на Glyph и интерфејсот на задната страна се подобрени и сега се состојат од 11 сегменти на LED ленти и вкупно 22 LED осветлување зони. Овде може да се видат нови известувања, како што се звучни контроли и индикатор за време.
Различни апликации може да се поврзат на горната лева LED диода за известувања за Essential Glyph. Покрај тоа, „Nothing“ ќе ги направи достапни за програмерите интерфејсот SDK и API на Glyph, па се очекуваат дополнителни нови функции во иднина.
Телефонот се напојува со чипсет Snapdragon 8 + Gen 1 и користи батерија од 4.700 mAh со поддршка за полнење со кабел од 45 W и безжично полнење од 15 W. За софтверска поддршка се користи „Nothing ОЅ 2.0“ кој е базиран на „Android 13“.
„Nothing Phone (2)“ пристигнува во бела и темно сива боја, а почетните цени за европските пазари се следни: 650 евра во Германија, 670 евра во Франција, 580 фунти во Велика Британија.
