Путин: Рускиот народ е пообединет од кога било

Рускиот народ е пообединет од кога било, изјави рускиот претседател Владимир Путин, учествувајќи преку видео врска на состанокот на Шангајската организација за соработка (ШСО), во која се вклучени Кина и Индија.

Зборувајќи за неуспешниот бунт на членовите на платеничката воена организација Вагнер, Путин изјави дека „руските политички кругови и целото општество јасно изразија единство и го зајакнаа чувството на одговорност за судбината на татковината, одговарајќи како обединет фронт на обидот за вооружен бунт“.

Путин им се заблагодарил на членовите на ШОС што ја изразиле својата поддршка за неговите напори „да го заштити уставниот поредок, животот и безбедноста на граѓаните“, пренесува Ројтерс.

„Русија ќе се спротивстави на западниот притисок, санкциите и провокациите“, рече Путин.

Тој рече дека Москва има намера да ги зајакне врските со ШОС и дека ги смета членовите на таа организација Кина, Индија и Иран за клучни партнери во конфликтот со Вашингтон.