YouTube бара начини за поагресивна борба против гледачите кои користат блокатори на реклами додека гледаат видеа на платформата.
Корисниците на YouTube забележаа предупредување дека репродукцијата на видеата ќе биде блокирана по три видеа. Во предупредувањето се наведува дека YouTube ќе ги спречи да продолжат да гледаат видеа на платформата, освен ако не го оневозможат својот блокатор на реклами или не ја додадат веб-страницата на нивната „бела листа“.
„Рекламите го одржуваат YouTube бесплатно за милијарди корисници ширум светот“, се вели во соопштението. Исто така, YouTube ги „советува“ корисниците да изберат претплата на YouTube Premium за да избегнуваат реклами, во тој случај „креаторите сепак би добивале плата за она што го работат“.
Пред овие предупредувања, YouTube прикажуваше само известувања за поп-ап прозорци на корисниците на блокирачи на реклами, потсетувајќи ги дека тоа ги прекршило правилата за користење на платформата. Новите предупредувања се „дел од малиот експеримент што YouTube го спроведува на глобално ниво“, кој бара од корисниците да ги исклучат блокаторите на реклами и да дозволат рекламите да се прикажуваат на платформата или да се претплатат на YouTube Premium.
Ако корисниците упорно користат блокатори на реклами, YouTube може да ги спречи да го гледаат видеото. Во моментов новите мерки се применуваат за мал број корисници. YouTube најголемиот дел од приходите ги добива од реклами, а падот е забележан во трите претходни квартали, па нема да биде изненадување доколку новите мерки се применат на повеќе корисници ширум светот.
