Илјадници корисници се пожалија дека имаат проблеми со пристапот до социјалната платформа Твитер по новите правила што ги воведе нејзиниот сопственик Илон Маск.
Маск ги ограничи повеќето корисници да гледаат 600 твитови дневно со цел да се обиде, вели тој, да спречи неовластено извлекување на потенцијално вредни податоци од страницата.
Одлуката за ограничување стапи на сила во саботата, при што повеќе од 7.500 луѓе во еден момент пријавиле проблеми со користење на социјалната платформа.
Иако релативно мал број од повеќе од 200 милиони корисници на Твитер ширум светот беа суспендирани, распространетоста на проблемот доведе до создавање на нов хаштаг #TwitterDown поради новите мерки.
Ограничувањата може да доведат до тоа корисниците да бидат заклучени надвор од Твитер еден ден по прегледувањето на неколку стотици твитови.