Девет месеци откако стана достапен на „Mac“, „DuckDuckGo“ конечно доаѓа на „Windows“. Веб-прелистувачот фокусиран на приватност моментално е во отворено бета тестирање и вклучува многу исти функции како верзиите за „iOS“, „Android“ и „MacOS“.
„Почнувајќи од денес, нашиот интернет прелистувач за „Windows“ е официјално во отворена бета верзија – нема покани или листи на чекање, само брз и лесен прелистувач што го прави интернетот помалку морничав и помалку пренатрупан. „DuckDuckGo“ за „Windows“ веќе доаѓа со речиси сите заштити за приватност и секојдневни карактеристики со кои се запознаени нашите корисници“, објавија креаторите на „DuckDuckGo“ на нивниот официјален блог.
Исто така, се наведува дека при инсталацијата, корисниците ќе можат да ги префрлаат своите лозинки и белешки од други прелистувачи или менаџери за лозинки. Сè уште нема да има поддршка за екстензии, но од компанијата велат дека ќе бидат претставени наскоро.
Меѓу другите функции вредни за споменување, „DuckDuckGo“ за „Windows“ ќе предложи лозинки кои ги смета за безбедни за корисниците при регистрација на одредени веб-локации. Прелистувачот ќе има и сопствен менаџер за лозинки, кој автоматски ќе ги запомни и пополнува информациите за најавување. Сите податоци ќе бидат синхронизирани и достапни на кој било уред што го има инсталирано овој интернет прелистувач.
Претходно е инсталиран и блокатор за реклами, како и „Duck Player“ за репродукција на видеа. Приватниот прелистувач ќе се користи според стандардните поставки, веб-прелистувачите автоматски ќе се блокираат, а корисниците ќе можат да ја отстранат целата историја на прелистување со еден клик.
