Акциите на „Microsoft“ достигнаа ново рекордно високо ниво во четвртокот, поттикнати од оптимизмот на пазарот за изгледите за вештачка интелигенција (AI). Тоа му помогна на технолошкиот гигант да достигне рекордна пазарна капитализација од 2,59 трилиони долари, пренесува „Reuters“.
„Microsoft“ се смета за лидер во примената на технологијата за вештачка интелигенција во софтверската индустрија благодарение на огромната инвестиција во „OpenAI“, стартапот со седиште во Сан Франциско кој го разви широко популарниот чет-бот – „ChatGPT“.
Минатиот месец, технолошкиот гигант започна да пласира низа подобрувања на вештачката интелигенција, вклучително и „ChatGPT“, на своите облак услуги „Azure“, како и на пребарувачот „Bing“, потег кој има за цел да ја оспори доминацијата на „Google“ на „Alphabet Inc“ во пребарувањето на Интернет.
Во четвртокот, акциите на „Microsoft“ се затворија за 3,2% на 348,10 долари по акција. Акцијата, која е зголемена за повеќе од 45% од годината до денес, го достигна својот претходен рекорд од 343,11 долари на 19-ти ноември 2021-ва година.
Акциите на „Apple“ исто така достигнаа ново највисоко ниво од 186,01 долари, додека оние на производителот на графички чипови „Nvidia“ поставија ново највисоко ниво во текот на денот од 432,89 долари.
Овој скок на акциите на „Microsoft“ целосно ги исполни прелиминарните дневни очекувања на аналитичарите на „JPMorgan“, кои ги зголемија своите прогнози за перформансите на технолошкиот гигант, наведувајќи ја токму вештачката интелигенција која ја поттикнува побарувачката за неговите производи. Од 53 аналитичари кои го покриваат „Microsoft“, 44 препорачуваат купување на акции на „Microsoft“, а просечната целна цена дадена од нив е 340 долари, според податоците на „Refinitiv“.
„Го потврдуваме нашиот став за генеративната вештачка интелигенција и продолжуваме да гледаме дека таа предизвикува повторно оживување на довербата во клучните софтверски франшизи“, напишаа аналитичарите на „JPMorgan“, цитирани од „Reuters“.
