Претседателот Џо Бајден се сопна и падна откако ја врачил последната диплома на церемонијата на дипломирање во Академијата за воздухопловни сили на САД, јавува Ројтерс.
80-годишниот американски претседател брзо се крена на едно колено со помош на три лица и се врати на своето место без помош.
Додека на Бајден му помогнаа да стане, тој покажа зад него, како да сакаше да покаже од што се сопнал.
Директорот за комуникации на Белата куќа Бен ЛаБолт на Твитер објави дека Бајден е добро.
„Имаше вреќа со песок на сцената кога се ракуваше“, објасни тој.
