Растот на цените во ЕУ забави во април, објави во средата Евростат, потврдувајќи ја во исто време проценката која покажува мало забрзување на инфлацијата во еврозоната.
Инфлацијата во еврозоната, изразена со усогласениот индекс на потрошувачки цени (HICP) во април изнесува седум отсто, покажаа пресметките на Евростат.
Во март цените во областа на примена на заедничката европска валута пораснаа за 6,9 отсто.
На ниво на ЕУ, индексот бележи пораст на потрошувачките цени во април за 8,1 отсто во однос на истиот месец лани, по растот од 8,3 отсто во март.
На месечно ниво, потрошувачките цени се зголемија во двете области за 0,6 отсто, по растот од 0,9 отсто во март.
Малото забрзување на инфлацијата во еврозоната го одразува повторениот раст на цените на енергијата, за 2,4 отсто во однос на ланскиот април. Во март неговите цени се пониски за 0,9 отсто во однос на истиот месец лани.
Меѓу земјите од ЕУ кои не се дел од еврозоната, Унгарија забележа највисока стапка на инфлација во април, од 24,5 отсто. Двоцифрен раст на цените е забележан во Полска и Чешка од 14,0 и 14,3 отсто, соодветно.
Во еврозоната, Литванија забележа највисока стапка на инфлација од 15,0 отсто, а на второ место е Словачка, каде таа изнесува 14,0 отсто.
Во Хрватска, според HICP, цените во април пораснале за 8,9 отсто. Првата проценка на Евростат, објавена на почетокот на месецот, покажа раст на цените за 8,8 отсто.
