„Warner Bros. Discovery“ објави голема квартална загуба, иако нејзиниот сегмент директно до потрошувачите (DTC) генерира профит за прв пат во својата историја, пишува „CNBC“.
Компанијата, исто така, очекува нејзиниот „DTC“, или стриминг бизнис, да биде профитабилен во 2023-та година, една година пред предвиденото, рече извршниот директор Давид Заслав.
Приходите во првиот квартал достигнаа 10,7 милијарди долари, главно во согласност со очекувањата на аналитичарите од 10,78 милијарди долари. Компанијата објави нето загуба од 1,1 милијарди долари и прилагодена ЕБИТДА од 2,6 милијарди долари.
Како и сите големи медиумски компании, „Warner Bros. Discovery“ преминува во видео стриминг бидејќи милиони Американци се откажуваат од традиционалната платена телевизија секоја година. Компанијата го заврши кварталот со 97,6 милиони претплатници за стриминг, или 1,6 милиони повеќе од претходниот квартал.
Сегментот „DTS“ генерира 50 милиони долари профит во текот на извештајниот период.
„Warner Bros. Discovery“ додава содржина на „Discovery+“ на „HBO Max“ и ја рестартира својата услуга под името „Max“ подоцна овој месец. Заслав претходно вети дека бизнисот со стриминг ќе стане профитабилен до 2025-та година. Извршниот директор агресивно ги намалува трошоците за содржината, вклучително и отстранување на серии и филмови од „Мах“, за да му помогне на бизнисот да постигне профитабилност.
„Warner Bros. Discovery“ изгуби 930 милиони долари од слободен готовински тек во кварталот, главно поради каматните стапки и исплатите на спортски права.
Компанијата го заврши четвртиот квартал со 49,5 милијарди долари долг и 2,6 милијарди долари во готовина.
