Белоруската компанија за мебел „Swed House“, која продава предмети дизајнирани да личат на оние направени од шведскиот гигант „IKEA“, ја отвори својата прва продавница во Москва во саботата на различни првични реакции од потрошувачите.
„IKEA“ ги прекина сите малопродажни и производствени операции во Русија веднаш откако Москва ја започна својата „специјална воена операција“ против Украина, заедно со десетици други западни компании.
„Ние не сме „IKEA“ – ние се стремиме да бидеме како „IKEA“, имаме свои брендови, свои производи. Да, имаме и предмети од „IKEA““, изјави генералниот директор на „Swed House“, Мамедали Касимов.
„Ги продаваме – 15-20% од нашиот асортиман се оригинални производи на „IKEA“. Никој не ни забрани да го правиме тоа… нашата сопствена роба од „Swed House“ е исто така многу барана“, рече тој, мислејќи на новата истоимена продавница.
Клиентите во продавницата, кои одбија да ги кажат своите презимиња, на новинарите на „Reuters“ им понудија различни мислења.
„Во последно време многу ни недостасуваше „IKEA“. Оваа нова продавница е, да речеме, убав почеток“, изјави Наталија.
Други велат дека просторијата е премногу мала.
„Стоката не треба да лежи само една врз друга. „IKEA“ имаше одреден пристап кон пласманот на производите…можете да легнете на кревети, да го тестирате мебелот”, вели Јохан.
„Првично „Swed House“ има во план да отвори пет продавници во московските трговски центри пред да бидат насочени кон другите руски региони следната година“, вели Касимов.
„IKEA“ накратко ја обнови онлајн продажбата минатото лето, а дел од компанијата сè уште оперира со 14 трговски центри од брендот „MEGA“ во Русија.
