Веќе е најавено дека конференцијата „Google I/O“ ќе се одржи на 10-ти мај, кога се очекува компанијата да претстави нови производи и услуги, вклучувајќи телефон на преклопување
„Pixel Fold“ би требало да биде првиот склоплив телефон од „Google“, а како најава компанијата објави кратко видео на „Twitter“ кое го прикажува дизајнот на претстојниот телефон.
Некои информации се појавија и порано, па се очекува „Pixel Fold“ да има два OLED екрани. И двете ќе имаат поддршка за стапка на освежување од 120 Hz. Однадвор ќе има екран од 5,6 инчи, додека внатре е 7,6 инчен екран.
Телефонот треба да се напојува од чипсетот „Google Tensor G2“, во комбинација со 12 GB меморија и простор за складирање до 512 GB.
Покрај „Pixel Fold“, „Google“ треба да го претстави и телефонот „Pixel 7a“ од својата редовна постава.
