Во куќата на Урош Блажиќ, човекот кој уби осум и рани 14 лица во две села – Орашје и Дубона кај Младеновац, недалеку од Белград, полицијата попладнево вршеше претрес.
Семејната куќа Блажиќ е на три ката. Никој не оди по улица, а соседите на убиецот не се ни во дворовите, објави Блиц, чии новинари биле на лице место.
Соседите немаат ништо добро да кажат за семејството Блажиќ.
„Луѓето се “дно-дна”! Целата фамилија – мајка, татко, веројатно тука се и братот и снаата, а и дедото што живее со нив. Постојано го малтретираа. Човекот има повеќе од 80 години, оди сам, оди од дома до овоштарникот да им избега, се срамам што се од ова село. Сосед ги пријавил за пукање пред неколку години, им го одзеле оружјето и по три дена им го вратиле. Постојано пукаа, ги убиваа кучињата на соседот.
„Се јавуваше кога сакаше, постојано го возеше тракторот со слушалки на уши. Не се дружеа со никој во комшилукот. Слушнав автомобил вечерва околу 10-11, возачот ги запали гумите, сигурно бил тој. Возеше горе-долу. „Подоцна заспав, а соседот ми се јави околу два часот по полноќ да ја заклучам куќата“, изјави за Блиц соседот на Блажиќ.
