Италијанскиот фудбалски стручњак Роберто Манчини е назначен за нов тренер на турскиот клуб Галатасарај.
Манчини со клубот од Истанбул потпиша тригодишен договор според кој ќе заработува приближно шест милиони евра за една година.
Италијнецот на клупата на Галатасарај доаѓа на местото на трускиот тренер Фатих Терим кој доби отказ поради слабите резултати на почетокот од новата сезона.
Предводени од Терим, фудбалерите на турскиот гигант во петте одиграни средби во домашното првенство остварија само една победа и четири нерешени, а во Лигата на шампионите убедливо загубија од Реал Мадрид на свој терен.
48-годишниот Манчини беше без ангажман од мај годинава кога го напушти кормилото на премиерлигашот Манчестер Сити. Бил тренер и на Интер, Лацио и Фиорентина.