Германскиот производител на оружје и инженерска компанија Rheinmetall беше вклучен во индексот DAX на 40 водечки акции на берзата во Франкфурт во понеделникот, истиснувајќи ја компанијата за третман на дијализа Fresenius Medical Care (FMC).
Пазарната капитализација на Рајнметал во моментов се проценува на 10,4 милијарди евра, а цената на акциите е повеќе од двојно зголемена откако Русија ја нападна Украина во февруари минатата година.
Оваа компанија, меѓу другото, го произведува и топот на Леопард 2, тенк во служба на неколку европски армии кој е во процес на испорака во Украина. Таа, исто така, произведува топови на Panzerhaubitze 2000, хаубица со долг дострел што исто така ја користи украинската армија, пренесува SEEbiz.
Компанијата предвидува брз раст во 2023 година, бидејќи европските земји ги зголемуваат своите воени трошоци како одговор на актуелната војна на континентот.
„Сакаме да учествуваме со нашите производи во зголемувањето на буџетот за воени капацитети“, изјави извршниот директор Армин Папергер.
Во 2022 година, Рајнметал имаше околу 24.800 вработени, што е за 1.100 повеќе од претходната година. Папергер планира да го зголеми тој број за 3.000 луѓе оваа година.
