Рускиот истражен комитет во понеделникот објави дека отвори кривична постапка против обвинителите и судиите во Меѓународниот кривичен суд кои во петокот издадоа налог за апсење на претседателот Владимир Путин под обвинение за воени злосторства.
Комитетот, кој е одговорен за истрага на сериозни злосторства, рече дека нема основа да се смета за кривично одговорен рускиот претседател Путин и дека шефовите на држави уживаат апсолутен имунитет од јурисдикција.
Постапките на обвинителот на Меѓународниот кривичен суд покажуваат знаци на кривично дело според рускиот закон, рече Комитетот, истакнувајќи дека станува збор за свесно обвинување на невино лице за кривично дело и „подготвување напад врз претставник на странска држава, кој ужива меѓународна заштита, со цел да се комплицираат меѓународните односи“.
Потегот на Русија е симболичен гест на пркос како одговор на налогот за апсење на Путин, кој ги обвини него и комесарот за правата на децата за воено злосторство за депортирање на деца од Украина во Русија.
Кремљ одлуката на Меѓународниот кривичен суд ја нарече срамота, но правно неважечка, бидејќи Русија не е потписник на договорот со кој е основан Меѓународниот кривичен суд, пишува загрепскиот N1.
