Акциите на софтверскиот гигант „Adobe“ пораснаа за 3,6% во претпазарното тргување, откако компанијата објави фискални резултати за првиот квартал кои ги надминаа очекувањата на Волстрит и ја зголемија својата прогноза за целата година.
Приходите се зголемија за 9% на годишно ниво во кварталот што заврши на 3-ти март на 4,66 милијарди долари, додека аналитичарите очекуваа 4,62 милијарди долари, според податоците на „Refinitiv“. Нето добивката благо падна на 1,25 милијарди долари.
Сегментот за дигитални медиуми на компанијата, кој го вклучува пакетот софтвер за дизајн „Creative Cloud“, генерира приход од 3,4 милијарди долари, што е за 9% повеќе од претходната година. Тоа беше над консензусната проценка од 3,36 милијарди долари на аналитичарите анкетирани од „StreetAccount“.
Одделот „Digital Experience“, кој го вклучува маркетинг софтверот „Marketo“, придонесе за приходи од 1,18 милијарди долари, или малку над очекувањата на аналитичарите од 1,17 милијарди долари.
За вториот квартал, „Adobe“ очекува помеѓу 3,75 и 3,80 долари по акција на приспособена основа, како и приходи во опсег од 4,75 до 4,78 милијарди долари. Аналитичарите анкетирани од „Refinitiv“ прогнозираа 3,76 долари прилагодена заработка по акција на 4,76 милијарди долари приход.
„Adobe“ ја зголеми својата прогноза за заработка за фискалната 2023-та година, сега очекувајќи помеѓу 15,30 и 15,60 долари приспособена заработка по акција за периодот. Во декември, компанијата соопшти дека очекува приспособената заработка по акција за цела година да биде помеѓу 15,15 и 15,45 долари. Аналитичарите анкетирани од „Refinitiv“ очекуваа 15,31 долари по акција.
Една од неодамнешните аквизиции на „Adobe“ веќе вроди со плод. Компанијата ги натера своите постоечки видео клиенти да плаќаат за „Frame.io“, алатка за преглед и одобрување видео што ја купи за 1,24 милијарди долари во 2021-ва година, објави главниот финансиски директор на „Adobe“, Ден Дерн.
