Од 2025-та година, „Eni“ ќе биде независна од рускиот природен гас, се вели во извештајот на италијанскиот енергетски гигант за 2022-ра година.
Во документот се наведува дека минатата година биле потпишани голем број договори за снабдување со гас од Алжир, Конго, Египет, Мозамбик и Катар. Дополнителните договори со либискиот „NOC“, како и успешните истражувања на Кипар, Египет и Норвешка дополнително ќе ги диверзифицираат добавувачите.
Активностите за истражување и производство на природен гас и нафта се надоврзуваат на одличните перформанси на компанијата во минатата година. Производството е намалено за 4% на годишна основа поради виша сила и неопходни поправки. Но, високите цени на суровините го неутрализираа овој пад. Така, профитот на „Eni“ се удвоил во 2022-ра година на 13,3 милијарди евра, тоа е видливо и од извештајот.
Во четвртиот квартал цената на нафтата и природниот гас паднаа, што доведе до намалување на добивката на квартална основа, иако на годишна основа растот беше 47% на 2,5 милијарди евра. Сепак, целата 2022-ра година е најуспешна за компанијата во последните децении поради скапите енергетски производи. Италијанскиот гигант е најновата компанија во секторот што пријави нагло зголемување на приходите и профитот како резултат на повоената криза во Украина.
Добрите финансиски резултати и овозможија на компанијата да им „врати“ 5,4 милијарди евра на своите акционери во форма на дивиденди и програми за откуп на акции. Компанијата, исто така, инвестираше дел од приходите во нови проекти, вклучувајќи зелена енергија и декарбонизација.
