Само неколку недели по премиерата на редизајнираните модели „X5“ и „X6“, „BMW“ ги претстави и верзиите со врвни перформанси. Ова се секако „М“ опциите кои се нудат исклучиво во изданието „Competition“.
Официјалните бројки велат дека 4.4-литарскиот V8 twin-turbo сè уште постои, со исти 625 ks и 750 Nm. Сепак, моторот доби систем од 48 V, како и голем број модификации како што се сменети турбини, нов довод и издув, итн.
Моторот сега ја носи ознаката „S68“ и доаѓа со осум-брзински автоматски менувач кој интегрира „благ“ хибриден систем со стартер-генератор од 48 волти, кој обезбедува до 12 ks и 200 Nm.
„BMW“ затоа ветува „побрза реакција и зголемена ефикасност“, а официјалните бројки велат дека достигнува 100 km/h за 3,9 секунди и забрзува до максимални 290 km/h.
Навистина импресивно за возило од 2,4 тони!
Заедно со редизајнот доаѓа и нов надворешен изглед, главно инспириран од поголемиот „XM“.
Предниот дел на автомобилот е целосно рестилизиран, а „бубрезите“ обоени во црно немаат вертикални, туку хоризонтални летви.
„Асфалтните теренци“ на „BMW“ се тркалаат на најмалку 21-инчни тркала.
Во кабината на возачот му е достапен најновиот оперативен систем, кој со „iDrive“, заоблен екран со дигитален кокпит од 12,3 инчи и мултимедијален систем со дијагонала од 14,9 инчи станува стандарден екран.
Цената не е објавена, но се очекува да биде за најмалку 10.000 евра повисока од моделите пред редизајнот. Проценката од 160.000 евра на германскиот пазар може да послужи како добра референтна точка.
Првите испораки започнуваат летово.
