„Warner Bros. Discovery“ забележа голема загуба и оствари приход од 11,1 милијарди долари во четвртиот квартал, пропуштајќи ги проценките на аналитичарите додека медиумската индустрија се бори со слабеењето на пазарот за рекламирање, објави „CNBC“.
Телевизиската мрежа на компанијата, која вклучува кабелски канали како што се „TNT“, „TBS“ и „Discovery“, забележа пад на приходите од 6 отсто на 5,5 милијарди долари, бидејќи приходите од рекламите особено се намалија.
Гигантот забележа загуба од 2,1 милијарди долари за тој период, или 86 центи по акција. Цената на акциите на „Warner Bros. Discovery“ беше намален во тргувањето по работното време.
Директорите на „Warner Bros. Discovery“ почна да предупредува за влошување на пазарот на реклами уште минатото лето, а другите медиумски компании, вклучително и „Paramount Global“, исто така ја чувствуваат тежината на нивните финансиски резултати. Пазарот за рекламирање продолжи да слабее во четвртиот квартал, а проблемот се влоши со падот на публиката, изјави главниот финансиски директор на „Warner Bros. Discovery“, Гунар Вајденфелс.
Додека извршниот директор Давид Заслав рече дека макроекономското опкружување е „многу предизвикувачко“, тој предвиде подобрување подоцна во оваа година.
„Сметаме дека работите ќе се подобрат во втората половина од годината“, коментира тој.
Компанијата, исто така, се бори со трошоците за реструктуирање и трошоците за оштетување кои произлегуваат од спојувањето на „Warner Bros.“ и „Discovery“ во 2022-ра година додека се обидува да го насочи својот бизнис со стриминг кон профитабилност.
Гигантот го заврши четвртиот квартал со долг од 45,5 милијарди долари на билансот на состојба и 3,9 милијарди долари во готовина. Главен фокус на „Warner Bros. Discovery“ е да ги намалува големите долгови и да ги намалува трошоците.
Директорите на „Warner Bros. Discovery“ сега рекоа дека очекуваат да продолжат значително да го намалуваат долгот во следните две години. Во четвртиот квартал компанијата исплати долг од 1 милијарда долари, а од април, кога беше завршена зделката, исплати 7 милијарди долари.
„Со големите одлуки за реструктуирање сега зад нас, оваа година сме фокусирани на градење и развој на нашите бизниси за иднината и имаме одличен почеток“, коментира Заслав.
Компанијата, која ги поседува услугите за стриминг „HBO Max“ и „Discovery +“, соопшти дека нејзината глобална база на претплатници на нејзините платформи за стриминг се зголемила за 1,1 милион на 96,1 милиони луѓе до крајот на кварталот.
Приходите од сегментот на стриминг се зголемија за 6 отсто, поддржани од растот на бројот на претплатници на услуги кои вклучуваат реклами. Загубата на овој сегмент е намалена.
Компанијата пријави загуба од 217 милиони долари за тој период, што е подобрување од загубата од 511 милиони долари една година претходно.
Групата ќе лансира комбинирана понуда за стриминг на пролет, планирајќи да ја претстави пред инвеститорите на 12-ти април. Комбинираната платформа ќе се вика „Max“, претходно објави „CNBC“.
Претходно овој месец, компанијата ја зголеми месечната претплата за услугата без реклами на „HBO Max“ за 1 долар на 15,99 долари – прво зголемување на цената од лансирањето во мај 2020-та година. „Warner Bros. Discovery“ соопшти дека дополнително ќе инвестира во содржината и корисничкото искуство.
Заслав рече дека иако плановите за комбинирање на содржината на „Discovery +“ и „HBO Max“ во една платформа се движат напред, „Discovery +“ исто така ќе остане посебна услуга за стриминг.
„Имаме претплатници кои се задоволни со понудата на Discovery+, па зошто да ја запреме“, додаде тој.
