Неодамна имавме можност да видиме рендери на iPhone 15 Pro, сега се појавија фотографии кои го покажуваат можниот изглед на стандардните модели на iPhone 15.
CAD рендерите беа објавени од веб-страницата 9to5Mac и тие укажуваат на две важни промени во однос на актуелниот iPhone 14. Првата е дисплеј од 6,2 инчи со исечок на Dynamic Island, кој ќе го замени дизајнот „notch“.
Друга видлива промена е додавањето на USB-C конектор на дното на уредот, кој ќе го замени приклучокот Lighting. На левата страна од кадарот сè уште ќе ги најдете контролите за јачина на звук и копчето „mute“.
На задната страна на телефонот ќе остане систем со две камери и сензори поставени дијагонално.
Има и нови рендери на моделот iPhone 15 Pro, кој е прикажан во варијантата „hero dark red“, која треба да биде ексклузивна боја за овогодинешните Pro модели.
Претходно линијата Pro имаше Pacific Blue боја за генерацијата iPhone 12, Sierra Blue за генерацијата iPhone 13, додека генерацијата iPhone 14 доби ексклузивни варијанти Space Black и Deep Purple.
