Тесла слави уште поголем успех во 2023 година, откако компанијата објави дека нејзината најнова заработка ги надмина очекувањата, забележувајќи рекордни приходи од 24,32 милијарди долари. Цената на акциите на компанијата се зголеми за околу 64% оваа година – далеку над повеќето други акции со кои се тргува.
Извршниот директор и главен акционер, Илон Маск, продаде 39 милијарди долари од своите акции минатата година за да го финансира купувањето и управувањето со Twitter. Некои акционери на Тесла, наводно, биле незадоволни што Маск троши време на управување со Твитер бидејќи како резултат на тоа потенцијално би можел да биде помалку фокусиран на Тесла. Тоа изврши притисок врз цената на акцијата на Tesla, која падна за 39,6% во декември.
Со оглед на тоа што договорот со Твитер беше завршен, а резултатите на Тесла ги надминаа очекувањата и фактот дека во Кина бројот на испораки на Тесла во јануари скокна за 18,4% во однос на декември минатата година, тоа доведе многу големи инвеститори како Џорџ Сорос да се приклучатт. Во претходниот квартал Сорос купи речиси четврт милион акции од компанијата.
Позитивното расположение во однос на Tesla продолжи со најавата дека ќе се одржи ден на инвеститорите на 1 март и најавата на Маск дека неговиот „Master Plan 3“ ќе биде откриен.
Трговците очекуваат новости за Cybertruck, хардвер и новости за визијата на Tesla за следните чекори во технологијата на електрични возила.
Инвестициските банки Морган Стенли и Дојче банк поставија таргет цени од 220 долари, а Мизухо очекува акциите да достигнат 250 долари од сегашната цена од 199 долари.
